ALBUM COVER

Recorded and mixed by:
PEDERO MUSIC RECORDING STUDIO
1993  

Manufactured by:
UNIVERSAL RECORDS 2001  

CANCIONES ORIGINAL DE ZAMBOANGA EN CHAVACANO
Compositado Y Interpretado Por

JULIA "Titang" JALDON

DEDICADO A TODO MANA ZAMBOANGUEñOS
Con Todo Mi Amor - Titang Jaldon  

1. LENGUAJE CHAVACANO - Musica y Palabras Por Julia 'Titang' Enriquez Jaldon 
                                       na Keyboard Gia Aquino

2. SUEÑO DE ZAMBOANGA - Musica y Palabras Por Julia 'Titang' Enriquez Jaldon
                                     na Guitara - "Bert" Roxas

3. ZAMBOANGA DERROTADA - Musica y Palabras Por Julia 'Titang' Enriquez 
                                         Jaldon na Guitara - "Bert" Roxas

4. COMO UN CANCION - Musica y Palabras Por Julia 'Titang' Enriquez Jaldon na
                                       Guitara - "Bert" Roxas

5. MODO DE COMER - Musica y Palabras Por Julia 'Titang' Enriquez Jaldon na
                                         Guitara - "Bert" Roxas

6. MODA DEL CIRCA - Musica y Palabras Por Julia 'Titang' Enriquez Jaldon na
                                          Guitara - "Bert" Roxas

7. ZAMBOANGUEñO DE MI SUEÑO - Musica y Palabras Por Julia 'Titang' Enriquez 
                                          Jaldon na Guitara - "Bert" Roxas

8. EL DALAGA ZAMBOANGUEñA - Musica y Palabras Por Julia 'Titang' Enriquez
                                           Jaldon na Guitara - "Bert" Roxas

9. EL VERDADERO ZAMBOANGUEÑO - Misica y Palabras Por Julia 'Titang' Enriquez
                                              Jaldon na Keyboard Gia Aquino

10. ZAMBOANGA DE ANTES - Musica y Palabras Por Julia 'Titang' Enriquez Jaldon
                                           na Keyboard Gia Aquino

Bonus Tracks:

11. POR CAUSA TUYO - Musica prestao del cancion (Dahil sa Iyo) - Musica Po 
                                            "Mike" Velarde Palabras - Julia 'Titang' Enriquez Jaldon

12. COMO UN CANCION MENOS UNO

13. ZAMBOANGA DE MI SUEÑO MENOS UNO

LENGUAJE CHAVACANO

El Chavacano ya sale na lenguaje español
Deficil etende si hinde na Zamboanga ya nace
El chavacano original
Bien differente y ay que bien formal
Semejante na Español
Pero si nuay tu'l fundacion
Deficil entende

El estranjero al oir
Conversa'l chavacano'l confudi
Maga gente ta almaria
Que bien deficil differencia
Maskin donde tu anda
Hasta na sur America
Na España o Mejico
Ta Puede Lang siempre entende
Kay dol Español

CORO:
Si deveras tu el chavacano quierre aprende
Con un Zamboangueño tu acerca
Kay ele lang contigo puede enseña
Que manera ta pronuncia
Maga palabra dol Español
Mesclao y omentao maga palabras
Pero mucho lang siempre el Español
Mesclao palabra Muslim poco Chino poco
Visaya y Tagalog pa
Poreso ahora este lenguaje deficil entende
Maga palabra bien mesclao
Ya queda bien complicao el chavacano

Repeti No.2 Y Coro
FIN:
Maga palabra dol Español
Maga palabra dol Español
El lenguaje chavacano, chavacano

SUEñO DE ZAMBOANGA

1
Sila ta pregunta porque yo ta queda
Aqui na pueblo de Zamboanga
Siempre yo ta contesta
Porque man ya sale na lugar de mi nacimiento
Kay aqui yo engranda y aqui yo ya mira
El primiero luz del dia yo nunca puede deja
Que por este sitio ya pelya
Mis abuellos y maga parientes

  2
Paquichura man gayot
Un anak puede olvida
El lugar donde le ya nace
Maskin todo ta habla
Que’l Zamboanga ta cambia y maga problema un caterba
Todo este hinde razon
Para mi corazon
El abandona el esperanza
Que’l Zamboanga el lugar donde siepmre yo’l volve
Maskin donde yo’l ginda na este mundo  

CORO:
Que antes el vida na Zamboanga dol na un paraiso
Donde’l gente cariñoso, respetable, hospitable
Maga problema ta olvida como’l gente ta habla
Que nuay problema si nuay el solusion
Si todo lang puede tiene animo y valor
Amo se el salvacion
Ta habla sila’l amor se paga con amor
Y nuay gloria si nuay el dolor
Poreso no deja este seuño de hacer
Zamboanga un paraiso
Que si hinde interesao el dibuli asigurao cultura Zamboangueño
El chavacano el perde
El tradicion el desaperece
Deberasan el Zamboanga’l cambia  

CORO: (DOS VECES)

Maga hermanos Zamboangueño
Hace to que debe de hacer el collar de sampaguita, gumamela y champaca
Devolve’l precioso olor
Dale ole color con el pueblo de Zamboangueño
Ese’l rezo el sueño de todo’l maga Zamboangueño (Dos Veces)

ZAMBOANGA DERRATADA?

Dol derrotada ta queda
Este pueblo Zamboanga que todo antes ta honra
Sitio de flores ta llama
Pero mucho suceso que ya pasa
 
El paz y orden dol quebrao
Encambio antes ay que bien cuydao
Zamboanga de ahora dol hinde mas
Como de antes que bien nombrao
 
CORO:  
Por su riqueza
Por su Belleza
Por su limpiesa
Y hospitalidad  

Que gran tristeza
Si hinde puede cambia
Cosa el maga gente ahora ta habla
Tiene amor propio no deja
Que sin tu ayuda Zamboanga’l cambia
Si maga Zamboangueño hinde coopera
Zamboanga deberas bien derrotada grueda

Despues de todo si nuay quien puede
Hace pacencia para ayuda
Devolve el orgullo del maga Zamboangueño
Que al fin quita lang puede habla
Que si por acaso el queda
El ciudad Zamboanga orgullaza otraves
Sitio de flores ole llama
Este lo que debe mga Zamboangueño aspira…

Que si por acaso el Queda el ciudad
Zamboanga orgullosa otravez
Sitio de flores ole llama
Este lo que debe mga Zamboangueño aspira…

COMO UN CANCION

INTRO:
Como un cancion
El diaton vida ta compara
Necesita completo el maga nota
Para puede canta
Igual na vida si nuay tu fe nuay salvacion
Como na un cancion necesita’l vida tene un bien direksyon
El vida siempre diaton todo
Igual lang como na un cancion
Cancion que ta canta todo quita si ta entra’l gana
Tiene vez cancion de alegria
 Tiene vez cancion de tristesa
Algunavez cancion de un amor
Algunavez cancion de gran dolor
Poreso’l cancion igual na vida
Tiene vez na tono tiene vez hinde
Poreso pirme precura
No man desentonao  

CORO:
Kay na de ustes comunidad
Sina cosa tono tu el canta
Na tono ba de un servicio
Na tono ba de un ayuda
Na tono be de un rezo
Na tono be de un reclamo
Si na cosa tono tu el canta
Tu lang se cuydao

Poreso el cancion amo el regalo
Dale tu con el comunidad
El melodia dedica tu a uno y otro  

Si gusta sila o hinde
Nuay mas tu cosa puede hace
Que Dios contigo se ya dale
Con este regalo tu precura, canta buenamente y dedica
Tu vida como na un cancion
Si na cosa tono tu el canta
Tu lang se cuydao  

EL MODO DE COMER

Antes el modo de comer bien simple lang gayot
Si tiene canon blanco’y oloroso
Con el mantecca de puerco ta hace bajuk
Con bagon y saguing bongulan
Ta come con asao de cubal-cubal
El latu ta hace thumuk na vinegre puerte mesclao con pica
Ta chupa-chupa gayot maga dedo
Que este clase de comida amo el favorito de mga anciano Zamboangueño
Quien poco poco ya ta desaparece
Imahina lang tu antes nuay cola-cola, agua lang de tuburan
Pero hay que contento ya, ta satishfecha ya el sed

CORO:
Pero ahora este siglo de mil nueve sientos noventa’y tres
El maga joven bien caprichoso ya ta queda
No puede toma el agua si nuay el yielo para infria
Carne puerco y baca ta busca manok frito y estopao pa
 
Poreso ahora hinde basta celebra un ocasyon si nuay lang tu el contra
Para compra lechon y pansit estopao o curry de baca
Dinuguan cangrejo y locon
Este clase de preparasyon hinde completo si nuay el leche flan

REPETI CORO:
Si sigui sigui lang tu el gusto el di tu bulsa el aguhera
Pero entero mundo este ta pasa
Hinde lang na ciudad de Zamboanga el solusyon pichi pichi el bariga
Y el sinturon tiene que apreta
Si hinde cancer del bulsa el tene mga tata y maga nana

FIN:
El apetito necesita aguanta
Amo se el unico solusyon

MODA DEL CIRCA

Antes el mondo del camisa
Na Zamboanga bien simple lang
Falda Y blusa amo el uso
Nuay maga mujer mucho cuscus balungus
Tiene vez derrecho el corte
Dol batas ta aparece
Joven y vieje este moda quirre quierre
Que bien comfortable y bien practical
Pero cuando ya Ilega el influencia de Europa y America
El maga mujer ya queda alerta ya sigui toda na moda
Gorda y flaco todo igual, ningunos no quiere atrasa
Jovencita y maga matrona quiere todo sigui na compas  

CORO:
Que en aquel circa mil nueve sientos sincuenta ya raza
El moda baloon en maga falda ta queda \
Mga petticoat na almidon ta tene que rimuha
Para al usar junto con el falda ta queda gayot bien cangcang
 
El circa mil nueve sientos secenta el moda del camisa bien ipid ya queda
Pencil cut amo que ta llama para maga gorda este un gran problema
Y tambien para de maga plaquienta
Quien dol palito derrecho ta aprece
Poreso tiene razon el maga modista
Habla el moda con quien se acomoda
 
Y despeus en el siglo de mil-nueve sientos setenta ya encohe
El maga falda bien corto corta ya queda
Especialmente el mini skirt quando ya intoduci
Mas corto ya ya queda cuando el micromini ya entra
Imahina lang tu el ichura
Si hinde perfecto el figura
Si el maga pierna del maga gorda del garrote
Del maga flaco dol tuud bien secante
 
Y cuando el moda macro midi
Do’l maga viejita ensiguidas ya queda
Que el falda dol di lola bien largo
 
Que ta bira bira lang el maga moda
Poreso sila ta quebra el cabesa
Cosa moda sila sigui
 

ZAMBOANGUEñO DE MI SUEñO

INTRO: (Igual na Coro)
Oh Zamboangueño de mi sueño
Tu’l inspiracion yamo el dueño
Demi corazon y de mi alma
Sintu amor nuay esperanza yo
Tu amo el luz ta alumbra’l dia
El lampara conmigo ta guia
El camino recto de mi vida que Dios ya hace
 
Al llegas el tiempo si nuay mas tu
El acorda yo quemanera tu
Ya quirre profundamante
Y quiere sinceramente conmigo
Como un Zamboangueño lang puede
 
CORO:
Mientras tiene tu la opportunidad siempre habla tu conele la verdad
Ele lang tu unico amor y salvacion
Asigurao un gran tritesa
Si nuay tu na mi lao para besa, mio carilio y mis labios
Quien contigo lang ta espera
Especialmente si el noche frio
Cuando ta abraza tu’l corazon mio
Poreso Zamboangueño mio no conmigo nunca deja
 
Al llegar el tiempo si nuay mas tu
El acorda yo quemanera tu ya sufri profundamente
Y quirre sincramente conmigo como un Zamboangueño lang puede
 
MUSICA: (FIN)
Que tu lang mi unico amor y salvasyon

REPITI NO. 2 Y CORO
 
 
EL DALAGA ZAMBOANGUEñA

Desu sunriza bien mentao
Desu carino bien alabao
Desu dul sura ay que bien templao
 
Na sitio de Zamboanga
Donde el maga dalaga
Bien pusturiosa y cariñosa pa
El maga soltero ta alaba desu custumbre
Que bien graciosa y bien dulce si ta conversa
 
El Zamboangueña bien sumisa y amable
Que desuyo trongko de España ya vene pero algunas veces
Tiene le un mal aranque
De un Española como un tigre si ta rabia
 
CORO:
Al mira le na tu ojos
Nunca tu el puede olvida
El manera ta clava la desu uñas na to corazon
Desu sonniras bien mentao
Desu dulsura ay que bien templao
Ele ya nace para sirvi
Con el suertista quien el recibi su cariño y devosyon
 
Poreso hombre poco poco lang el paso
Para cuji na lazo con un Zamboangueña
Besos y abrasos amo lang puede captiva
Di suyo hestos debe tu de save Ileva
 
Que el vardadero custombre de un Zamboangueña
Antes tu de acerca, necessita tu asigura
Que manera inamora
 
Que el Zamboangueña
Bien sungurin pero nunca’l admiti
Cosa conele ya hace iri, maskin su corazon sufri
Ansina su vida le-ta vivi
 
Besos y abrazos, amo lang puede captiva
Debe tu de sabe Ileva y tambien sabe alava
Para su amor puede tu captiva

PUBLISHED WITH PERMISSION FROM TITANG JALDON